The Genius Strategy of Anupam Mittal Behind Shaadi.com

Apni job quit karne se le kar 15,000 crore tak ke maalik bannay tak, Kaise Shark Tank Investor Anupam Mittal ne shaadi.com ko ek successful business banaya. janenge is article me.

Shaadi.com abhi tak 3.2 Crore se jyada shaadi karwa chuka hai.

But is level pe pauchne ke liye Anupam Mittal ko bahut se problems ko face karna pada. Jitna asaan Anupam Mittal ka success Shark Tank ki seat par baithkar dikhta hai utna tha nahi.

1997 may start hui ye internet based wedding service tab launch hui thi, jab India me logo ke ghar may computer hona ek luck ki baat maani jati thi, internet to bhul hi jao.

Fir bhi apni Genius strategy se Anupam Mittal ne shaadi.com ko us level pe pahucha dia, jahaan Shaadi.com aaj India ka 40% se jyada match-making market akele sambhal raha hai.

1990’s may Anupam ne America ki Boston University se MBA kiya jiske baad unki MicroStrategy naam ki company me job lag gayi.

Aur har saal wo apni family se milne India aate rahte the. To isi tarah 1997 me ek baar wo India wapas aaye to unki mulakat ek traditional matchmaker say hui jo unke father kay friend bhi the.

Anupam ko unmarried dekh ke us matchmaker ne bahut try kiya ki kisi tarah Anupam bhi unke client ban jaye. Wo Anupam ko apna client to nahi bana paye, but is incident ne Anupam ke dimaag koi batti jala di.

Anupam ko realize hua ki kyun na ek aisi website banai jaye jiski madad say log ghar baithay pure world may connect kar sakte hai aur apna life partner asaani se dhund sakte hain. Aur yahi par hui Shaadi.com ki landmark shuruwat. Anupam nay apni job quit kari aur apna pura dhyan Shaadi.com ko successful bananay may laga dia.

Shuruwat may unhonay iska naam rakha Sagaai.com but 2 saal baad unko realize hua ki Shaadi.com word unki company ko better way say represent karta hai, isliye 1999 may unhone uska naam Shaadi.com rakh dia.

Hairani ki baat toh ye hai ki company ke shuruwat me maximum clients wo Indians the jo India se bahar rehte the. Aur kyunki us waqt India may internet itna booming level pe nahi tha toh mostly Indians online jakar marriage partner dhundhna insecured feel karte the.

But jaise jaise India may smartphones aur internet ka har ghar may interest badhta gaya waise waise Shaadi.com ka success rate bhi badhta gaya. Aur 2008 tak Shaadi.com Asians ke liye world ki leading website ban gai thi aur aaj 3.5 crore say bhi zyada users Shaadi.com pe registered hain.

But itnay bade success ke piche sirf India may internet aane ka haath nahi tha, actual raaz tha Anupam ki amazing strategy ka jo aaj bhi inke competitors ko harane may kaam aa rahi hai.

Samjhte hain inki Unique strategies ke baare me:

  1. Hiring Right Kind of Employees

Har company aaj jobs opening ki news spread karke employees ko hire kar sakti hai but Anupam ne sirf un logo ko hire karne ka decide kiya jo company ko sirf company na samjhe but apna ek part of life, apni family samjhe.

For example – Anupam nay un couples ko hire kiya jo jobless the but kaam karne ka junoon rakhte the. Aur aaj wahi same couple bina kisi tech background ke company ki coding ka process sambhal rahe hain. Infact, jo insaan ek waqt may peon tha, Anupam nay unko bhi apni company may ek valuable position di taki wo bhi bakiyo say insecure feel na kare.

2. Advertisement

Agar aaj aap apne kisi bhi product ya business ko promote karna chahte ho toh YouTube se le kar Instagram tak aapko bahut se options mil jaenge jisse aap apne product ki marketing bade aaram se kar sakte ho. Aap kisi bhi particular age group, location, income group ko aasani se target kar sakte ho.

But imagine karo 25 saal pehle ka time, jab YouTube, Instagram ki jagah sirf television advertisement exist karti thi. Aur in platforms me ek ad campaign daalne ka matlab ek car khareedne jaisa hota tha.

Iske bawajood, Anupam ne apne product pe vishwas rakh ke Television advertisement may pura dhyaan diya taki India ki population Shaadi.com ke trend ko samajh paye, accept kar paye aur uske saath adapt bhi kar paye. Aur aaj, company ke 80 percent clients India se hai aur 20 percent clients India ke bahar se.

3. Shaadi Centers

Customers ke mind may complete trust maintain rakhne ke liye company ne 100 se zyada Shaadi Centers bhi create kiye hain jiski madad say users physical centers me jaakar meeting conduct kar sakte hain. In shaadi centers se logo me ek trust develop ho jata hai jo baad me Shaadi.com ke clients ban jate hain.

4. International Connection

Ye baat sach hai ki Shaadi.com ke aane ke baad unke bahut se competitors aur aa gaye market me like jeevansathi.com & bharatmatrimony.com. Isse shaadi.com ka business jarur affect hua hai.

But international level pe apni pakad na bananay ki wajah se wo Shaadi.com jaise platform se face-to-face fight karne me piche reh jate hain. Aur isi international footprint banne ki wajah se aaj Shaadi.com matchmaking ka maximum market share apni taraf attract kar pata hai.

5. Keeping All The Profit

Agar aaj aap Shaadi.com may partner dhundhnay kay liyay jatay hai toh apko 4500 Rs say laykar 30000 Rs tak ki range tak ki services dikh jaengi. Aur kyunki Anupam nay Shaadi.com pay koi third party dealers ko nahi anay dia, isi wajah say aaj inki services ka 80 percent revenue company kay paas jata hai jo company ko aur grow karnay may madad karta hai.

Wahi agar Amazon ki tarah Shaadi.com bhi marketplace model ban jata to isme bahut se 3rd party match-makers bhi apna business setup kar lete aur is wajah se Shaado.com 80% ki jagah bas 20% hi Revenue generate kar pata. To marketplace model na hone ki wajah se Shaadi.com maximum profits apne paas rakh pata hai.

6. Social Initiatives 

Ab kyunki Indian customers may Shaadi.com jaise new platform pay trust develop karwana asaan kaam nahi tha toh Anupam nay strategically un platforms pay invest kiya jiske through customers ka perception ya point of view easily badal jata hai.

For example – 2009 may Anupam nay Star Plus kay sath milkar India ka pehla marriage based television show produce kara. 

2012 may, company nay India may dowry abuse ki awareness baranay kay liyay ek Angry Brides kay name say facebook game launch ki.

Aur 2014 may company nay Shaadi Cares kay name say ek social intiative bhi launch kiya jisse logo ko dowry ya domestic violence jaise issues se aware karwaya gaya.

7. Perfect Timing

Har business opportunity ka ek waqt hota hai jiskay hath say nikalnay pe aapka success rate down ho jata hai. Isi point ko dhyan may rakhkar Anupam nay 1997 may Shaadi.com ko ek perfect time pay launch kia kyunki us waqt koi bhi aisi website ya platform exist nahi karta thi. Aur kyunki Anupam nay predict kar lia tha ki India may internet ka rise honay wala hai, unhonay apni job quit kari aur is opportunity ko apnay hath say nikalnay nahi dia.

Aur yahi same strategy Amazon kay malik Jeff Bezos ki thi, jinhonay internet kay rise ko perfect opportunity samajhkar apni job quit kari thi aur ek online bookstore kholnay say Amazon ki shuruwat kari thi.

Isi wajah se aaj Shaadi.com, itne competitors ke aane ke baad bhi 24 saalo se customers ke mind me alag trust bana paa rahi hai.

Conclusion

So ye thi Anupam Mittal ki success story jo Shark Tank India ke sabse humble judge mane jate hain. Agar aap dhyan say notice karo toh Anupam ki success story humari life say zyada different nahi hai. Kami hai sirf idea ko sahi time pay execute karnay ki.

Anupam Mittal ke baare me aapke kya views hain neeche comment karke batao.

Aisi hi Business Stories and Money Making Ideas ke saath milta hu aapko Next Article me.


Recommended: Complete Personal Finance Course in Hindi. Learn Money Management & How to Make Money from Money. Click here to Learn More

Scroll to Top