Ameer Log isiliye Minimalist aur Private Lives jeete hain

Agar aapne notice kiya hai to dekha hoga ki bahut se ameer logo ek Minimalist aur Private Life jeena pasand karte hain.

Pehle inhe me define kar deta hu.

Minimalist Life – Bas un samaan ko rakhna jo sach me kaam ki hain. Fizul kharcha nahi karna

Private Life – Apni ameeri ke baare me ho-halla nahi karna, chup chap bina show off kiye, bina logo ki najro me aaye apni jindagi jeena.

1. They have better Priorities in Life.

Rich aur Wealthy me difference hota hai. Jo thode time pehle hi ameer bana hai wo showbaji me rehta hai, wo sablo dikhana chahte hai ki wo kitna ameer hai. Aur wo ye sab kaise karta hai? Luxury branded kapde pehen ke, Mercedes/Lamborghini jaisi cars khareed ke, mehnge bikes le kar.

Jo thode ameer ban gaye hain wo khud ko prove karne me lage rahte hain ki wo kitne ameer hain. Jo sach me wealthy hota hai, use prove karne ki jarurat nahi padti hai ki wo ameer hai. use pata hai ki fizul kharche karne se accha hai apne rupaye ka kuch productive use kiya jaye, jaise naye business me invest karna, apne rupaye ko kaam pe lagana jisse wo aur rupaye kama ke de, dusre assets ko acquire karna, donation aur charity karna jisse society ko benefit ho.

100 se jyada billionaires ne apni wealth ka maximum amount samaaj kalyaan ke liye commit kar dia hai. Kyunki unhe pata hai showoff karne se accha unke rupaye dusro ki madad karne me kaam aa sakte hain.

2. They want to take Fewer decisions.

Minimalist lifestyle follow karne walo ko kam decisions lene padte hain. Example: Steve Jobs aur Mark Zuckerberg same design/color ke kapde har time isiliye pehnte the/hain taki unka dimaag aur baki important decisions lene me use ho naa ki choti chijon me jaise – aaj kya pehnu?

3. They Love Mental Peace.

Andha ameer banne ke baad aap chaho to kya nahi khareed sakte – fancy cars, Villas, Private Jets etc. but iske saath hi in sab ko maintain karne ke baare me sochne me jo dimaag ki dahi hoti hai usse bachne ke liye behtar hai bas jarurat ki chijon ko hi khareeda jaye.

Jo mehnat karke ameer bana hai use pata hai ki uski sabse keemti chij uska time hai aur jarurat se jyada Kharche karne me unhe maintain karne me time bahut waste hota hai.

4. Safety & Security.

Apni ameeri dikhane ka sabse bada nuksaan hai logo ki najron me aana. Aur log har tarah ke hote hain Gangster, mafia, gunde jo aapki aur aapke family members ki life ko khatre me daal sakte hain ransom money ke liye.

Ameer logo ki family hamesha target rehti hai kidnappers ke mind me. Ek baar to Gautam Adani ko bhi kidnap kar liya tha logo ne. Ambani ke ghar ke saamne bomb blast ka news bhi suna hi hoga aapne.

5. Unnecessary Legal Cases.

Aap jitne ameer aur successful hote ho utna hi log aapse jalte hain, aapko harta hua dekhna chahte hain, kisi tarah bas prove karna chahte hain ki aapne apni income kisi galat tarike se kamayi hai. Aapse umeed lagane lagte hain ki aap jo bhi karo sab morally aur politically correct ho, aur agar aapne thoda bhi kuch society ke taur taiko ke khilaaf bol diya, apna opinion rakh diya fir aapke khilaaf fatwe jari ho jate hain, aapko social media pe boycott kiya jane lagta hai.

Yahaan tak ki kuch log to bas intejaar me rhte hain ki kisi tarah aapko upar koi na koi legal case kar diya jaye aur baad me rupaye leke use wapas le lete hain. Aur ameer log court case me apna time aur expensive lawyer ko hire karne se bachne ke liye, aise ghatiya farji logo ke saath out of court settlement kar lete hain.

6. More Stuff ≠ More Happiness

Jim Carrey ne bahut accha quote diya hai: I hope everybody could get rich and famous and will have everything they ever dreamed of, so they will know that its not the answer. Minimalist Ameer logo ko pata hai ki nayi Lamborghini, yacht ya Mansion unhe aur happiness nahi dene wala hai.

Aisa nahi hai ki Wealthy logo ko aisho aaram pasand nahi hai, bas unhe pata hai ki kin chijo me kitna kharch karna wajib hai. Showoff karna ek tarah ke status game hai. Dusro ke saamne khud ko upar dikhana aur Truly wealthy aur intelligent ko ye game khelna pasand nhi hai. Unhe pasand hai Money Game khelna.

You want to be Rich and Anonymous, not Poor and Famous.

Kal ko aap Ameer bante ho to in baton ko dhyaan me rakhna.